Կարեն Բորիսի Դանիելյան

Ծնվել է 1979 թվականի մայիսի 5-ին ՀՀ Երևան քաղաքում: 1995 թվականին ավարտել է Ստեփանակերտ քաղաքի թիվ 8 միջնակարգ դպրոցը: 1995 թվականին ընդունվել է Արցախի պետական համալսարանի իրավաբանական ֆակուլտետը: 1997 թվականին տեղափոխվել է Երևանի պետական համալսարանի իրավաբանական ֆակուլտետ, որն ավարտել է 1999 թվականին և ստացել իրավաբանի որակավորում։ 1999 թվականից մինչև 2002 թվականն աշխատել է ԼՂՀ արդարադատության պետական վարչության օրենսդրական հարցերի բաժնում՝ որպես առաջատար խորհրդական։ 2002 թվականի հուլիս ամսից՝ ԼՂՀ արդարադատության պետական վարչության օրենսդրական հարցերի բաժնի պետ։ 2004 թվականից մինչև 2005 թվականը` ԼՂՀ արդարադատության նախարարության օրենսդրական հարցերի բաժնի պետ։ 2005 թվականին աշխատել է «Բեյզ-Մեթըլսե ՍՊԸ-ում՝ որպես վարչության իրավախորհրդատու: 2005 թվականի օգոստոս ամսից մինչև 2007 թվականը` ԼՂՀ արդարադատության նախարարության նոտարիատի, ՔԿԱԳ, փորձաքննությունների և դատական մարմինների բաժնի պետ: 2007 թվականի հոկտեմբերի 9-ին ԼՂՀ վարչապետի որոշմամբ նշանակվել է ԼՂՀ արդարադատության նախարարի տեղակալ: 2017 թվականի սեպտեմբերի 25-ին ԱՀ Նախագահի հրամանագրով նշանակվել է ԱՀ Նախագահի աշխատակազմի ղեկավարի տեղակալ-պետաիրավական վարչության պետ: 2017 թվականի նոյեմբերի 30-ին ԱՀ Նախագահի հրամանագրով նշանակվել է Բարձրագույն դատական խորհրդի անդամ: Ունի արդարադատության 2-րդ դասի խորհրդականի դասային կոչում: Ամուսնացած է, ունի երկու երեխա: