Դատական դեպարտամենտը հորդորում է դատարան ներկայանալ դիմակով

Նոր կորոնավիրուսի տարածումը Հանրապետությունում կանխարգելելու եւ  հանրային առողջությունը հնարավորինս պաշտպանելու համար, միաժամանակ   հարգելով Սահմանադրությամբ երաշխավորված մարդու դատական պաշտպանության եւ արդար դատաքննության հիմնարար իրավունքները՝ ԱՀ  դատական դեպարտամենտը խնդրում եւ հորդորում է քաղաքացիներին՝   դատարան ներկայանալ դիմակով:  Ստեփանակերտում դատարանների շենքերի մուտքերի մոտ ամեն օր  իրականացվում է  դատարկան համակարգի աշխատակիցների եւ քաղաքացիների ջերմաչափում եւ ձեռքերի ախտահանում, սակայն այս միջոցառումները պետք է համակցված իրականցվեն նաեւ  դատարանների շրջանային նստավայրերում, ուստի սիրելի քաղաքացիներ ՝  անպայման դատարան ներկայացեք դիմակով,  դատական նիստերի ժամանակ հնարավորինս  պահպանեք  սոցիալական հեռավորություն: Ապահովելով մեր անվտանգությունը՝  ապահովում ենք նաեւ բոլորի անվտանգությունը: